Архіў нумароў:

Зьмест (#18)
_____________________ Паэзія Рыгор Барадулін Верасовае. Вершы Андрэй Хадановіч Восень на вогнішчы. Вершы Андрэй Гуцаў Зачараванае метро. Вершы Алесь Жамойцін Замаўляю Свабодай! Вершы Зянон Вялікае Княства. Паэма. Заканчэньне _____________________ Проза Людміла Рублеўская Скокі сьмерці. Гатычны раман Франц Сіўко Мары з бульвара Даву. Аповед гіпатоніка Ільля Сін Фільмы. Аповед Сяргей Вераціла Яна ўся такая. Амаль вянок амаль санетаў Віктар Вальтар Роджаныя пад Сатурнам. Працяг раману _____________________ У вянок памяці Уладзіміра Караткевіча Творы пераможцаў і ўдзельнікаў конкурсу, прысьвечанага 75-годдзю з дня нараджэньня У. С. Караткевіча Уладзімер Арлоў Ці засынаюць жоўтыя гарлачыкі? Генадзь Бураўкін На беразе Дняпра. Леанід Дранько-Майсюк Устойлівае суседства. _____________________ Спадчына Анатоль Сыс Аднакрылы воран. Вершы Ян Скрыган Той час... З кнігі ўспамінаў Анатоль Кудравец Вузлы. Памяці Яна Скрыгана _____________________ Архівы Васіль Быкаў Пункціры жыцьця. Далітаратурная біяграфія. Працяг _____________________ Эсэ Крытыка Мастацтва Алег Аблажэй Броўнаўскія думкі. Юрась Пацюпа Несіметрычная сіметрычнасьць. Два маленькія эсэ Віктар Сьлінко З нагоды лістападаўскіх халадоў. Эсэ Зьміцер Вішнёў Жаданьне дасканаласьці або "Дынамічная раўнавага" "Меліяратыўнага экстазу" ____________________ Кнігапіс ____________________ Анкета "Дзеяслова" Усевалад Сьцебурака Бясконцасьць магчымасьцяў. Алесь Жук Вольга Іпатава		Сьцісла Класіку сучаснай беларускай літаратуры Уладзіміру Сымонавічу Караткевічу сёлета споўнілася б усяго 75 гадоў. Дзеці, якія нарадзіліся пасьля ягонага зыходу, ужо скончылі школу, спрабуюць свае сілы ў літаратуры. Гэта першае пакаленьне беларусаў, якое вырасла без Караткевіча, але якое гадавалася на творах Караткевіча. Напачатку 2005 году ў Беларусі прайшоў літаратурны конкурс, прысьвечаны 75-годдзю з дня нараджэньня У.Караткевіча. Прысьвячаючы чарговы нумар часопіса яго памяці, рэдакцыя друкуе творы 23 пераможцаў і ўдзельнікаў конкурсу. Акрамя таго, у нумары друкуюцца згадкі сяброў пісьменьніка – Генадзя Бураўкіна, Уладзіміра Арлова, Леаніда Дранько-Майсюка пра дні, праведзеныя побач з геніем... Паэзія чарговага нумара “Дзеяслова” прадстаўленая імёнамі Народнага паэта Беларусі, дарэчы, вылучанага нядаўна кандыдатам на Нобелеўскую прэмію, Рыгора Барадуліна (нізка новых вершаў “Верасовае...”), а таксама паэтаў маладзейшага пакаленьня Андрэя Хадановіча (“Восень на вогнішчы” з кнігі “Сто лі100ў на tut.by””), Андрэя Гуцава (“Зачараванае метро”), Алеся Жамойціна (“Замаўляю Свабодай!”). Друкуецца ў нумары заканчэньне паэмы Зянона Пазьняка “Вялікае Княства”. Прэмію “Дзеяслова” “Залаты апостраф” за лепшую прозу ў 2004 годзе атрымала Людміла Рублеўская за паралельны раман “Золата забытых магілаў”. І вось новая сустрэча з аўтарам і мясьцінамі, дзе жывуць і дзеяць яе героі. У гэтым нумары часопіса друкуецца пачатак гатычнага (вядома ж, прыгодніцкага) рамана Л. Рублеўскай “Скокі сьмерці”. Чытайце таксама новыя апавяданьні Франца Сіўко (“Мары з бульвара Даву”), Сяргея Верацілы (“Яна ўся такая”), Ільлі Сіна (“Фільмы”), працяг рамана Віктара Вальтара “Роджаныя пад Сатурнам”. У разьдзеле “Спадчына” друкуюцца вершы нядаўна памерлага паэта Анатоля Сыса (“Аднакрылы воран”), згадкі і запісы Яна Скрыгана, якому сёлета споўнілася б 100 гадоў – пра 20-30 гады, пра сваіх сяброў і ворагаў, пра часы праведзеныя ў сталінскіх лагерах (“Той час”). Пра свае сустрэчы з Янам Скрыганам расказвае Анатоль Кудравец (“Вузлы”). “Дзеяслоў” працягвае друкаваць далітаратурную біяграфію Народнага пісьменьніка Беларусі Васіля Быкава (“Пункціры жыцьця”). У гэтым нумары мы заканчваем публікацыю першага сшытка запісаў, зробленых у 1993 годзе. У нумары друкуюцца эсэ Юрася Пацюпы (“Несіметрычная сіметрычнасьць”) і Віктара Сьлінкі (“З нагоды лістападаўскіх халадоў”), афарызмы літаратара з Вільні Алега Аблажэя (“Броўнаўскія думкі”). Паэт, празаік і мастак-перформер Зьміцер Вішнёў расказвае пра вядомага далёка за межамі Беларусі мастака Алеся Родзіна (“Жаданьне дасканаласьці або «Дынамічная раўнавага» «Меліяратыўнага экстазу»”). Паэт, празаік і крытык Усевалад Сьцебурака ў рубруцы “Кнігапіс” прапануе на свой выбар агляд найцікавейшых кніжных навінак апошніх месяцаў. Напрыканцы нумару на пытаньні анкеты “Дзеяслова” пра творчасьць і жыцьцё адказваюць пісьменьнікі Сяргей Законьнікаў, Алесь Жук і Вольга Іпатава.