Перапрашаем / 20.11.2013 Шаноўныя наведнікі!
У лістападзе-сьнежні сайт "Дзеяслова" знаходзіцца на забудове і ўдасканаленьні. Неўзабаве ў нас зьявіцца новы дызайн, і ўсё наладзіцца! Перапрашаем.
<
Галасаванка за лаўрэатаў "ЗА" / 20.03.2012 Названыя намінанты традыцыйнай літаратурнай прэміі “Залаты апостраф” часопіса “Дзеяслоў” за найлепшыя публікацыі ў 2011 годзе.
ПрозаПаэзіяДэбют
Акрамя таго, “Дзеяслоў” уручыць прэмію аднаму са старэйшых пісьменнікаў – за ўклад у сучасную беларускую літаратуру.
Уганараванне лаўрэатаў адбудзецца пры канцы сакавіка.
21 кастрычніка - Вечар зь "Дзеясловам" / 16.10.2011
Уручэньне "Залатых Апострафаў" - 17 сакавіка / 09.03.2011 Заўтра, 10 сакавіка, завяршаецца інтэрнэт-галасаваньне за лаўрэатаў "Залатога апострафа". Дзякуй усім, хто ўзяў удзел у вызначэньні лепшых аўтараў "Дзеяслова" за 2010 год (хаця да вечара яшчэ можна зьмяніць расклад!). Але апошняе слова - за рэдакцыяй)
На гэты момант вынікі наступныя:
у намінацыі Паэзія большасьць галасоў атрымала Віка Трэнас (нізка вершаў "За крок да раю", № 48).
Сярод празаікаў рэй вядзе Паліна Качаткова з кароткімі аповедамі "Чалавек-жанчына", №49 - 170 галасоў. Ёй у патыліцу дыхаюць Анка Ўпала з іранічнымі аповедамі "Інь-Ян", №47 (158 галасоў)
і Сяргей Календа ("Гульня ў інтэлект", №44, 155 галасоў).
Уручэньне прэміі "Залаты апостраф" адбудзецца 17 сакавіка.
Месца ДЗЕяньня - Дзяржаўны музей гісторыі беларускай літаратуры (Менск, вул.Багдановіча, 13). У праграме вечарыны - акустычны выступ гурта "Босае сонца". Пачатак а 18-й. Уваход вольны.
Юбілейны нумар / 25.02.2011 Выйшаў з друку пяцідзясяты нумар "Дзеяслова".
Па пытаньнях набыцьця можна зьвяртацца па менскім нумары: 200-80-91.
Глядзець зьмест №50!
Вечар зь "Дзеясловам". Сустрэча першая / 23.07.2010 22 ліпеня адбылася першая сустрэча праекту “Вечар зь “Дзеясловам”.
Перад публікай, што, нягледзячы на сьпёку, сабралася ў сталічнай Галерэі “Ў”, выступілі аўтары й сябры рэдакцыі часопісу. Леанід Дайнэка прачытаў урыўкі са свайго раману “Пра лісоўчыка, злога хлопчыка”..
, што друкаваўся ў №№ 44 – 46 “Дзеяслова”. Сяргей Прылуцкі, Усевалад Сьцебурака і Вольга Гапеева пачыталі вершы, што друкаваліся ў сьвежых нумарох часопіса.
Кіраваў вечарынай Анатоль Івашчанка.
Сустрэча ладзілася ў межах агульнанацыянальнай кампаніі “Будзьма!” Глядзець іншыя фотаздымкі зь вечарыны.
Віншуем лаўрэатаў "Залатога апострафу-2009" / 02.04.2010 Рэдакцыя "Дзеяслова" віншуе лаўрэатаў "Залатога апострафа". Сёлета імі сталі:
Міхась Андрасюк за аповед “Галубы” (№ 38).
Валерыя Кустава за нізку вершаў “Калыханка для Бога” (№ 40).
Віталь Быль за аповед “Малюнкі з Адзіж-Бенах” (№ 39).
(на фота: выступ гурта старадаўняй музыкі "Расалія")
Паэтычна-акустычны канцэрт “Рытмы і рыфмы” / 01.04.2010
20 мая 2010 года (чацвер) у Рэспубліканскім тэатры беларускай драматургіі (вул. Крапоткіна, 44) адбудзецца вечар сучаснай беларускай песні і паэзіі “Рытмы і рыфмы” з удзелам вядомых музыкантаў Таццяны Беланогай, Юрыя Несцярэнкі і Віктара Шалкевіча. Вядучы мерапрыемства — Мюр Фарыдовіч. Спецыяльны госць — пісьменніца Людміла Рублеўская. Пачатак у 19.00.
Кошт квітка 15.000. Набыццё квіткоў праз касу тэатра, якая працуе штодзень з 14.00 да 19.00, тэл. +375 17 286 70 21, +375 17 334 60 08, або ў распаўсюдніка +375 29 560 77 93, +375 29 135 44 95.
