Архіў нумароў:

Алесь Макрацоў

_____________________ Парцэлы	* * * Жыцьцё… Праламленьне духу матэрыяй… * * * Травы зьмяняюць травы, народы зьмяняюць народы… * * * Крыжы з магілак дзеда й бабулі скралі з надпісамі па-беларуску… * * * Хроснаю маці ў дзіця кабета няхрышчаная… * * * Гукі – колеры словаў… Мовы – рознакаляровыя. * * * Улада і апазіцыя… А – мастак паміж імі? * * * Алтарнае брацтва ў царкве стварылі… Заміж хрысьціянскага. * * * Чорны бусел хадзіў па лузе чарнобыльскай гадавінай… * * * Сьнег з сагнутага дрэўца строс. Страх з сагнутага чалавека скінуў. Выпрасталіся. * * * Паціснуў руку незнаёмцу. Высьветлілася – забойцу… * * * Як язва на целе, на душы віна… * * * Шчымлівы пацалунак любай… Да сэрца дакрануліся вусны. * * * Адлюстраваньне душы чалавечай – у словах і дзеях…